នារសៀលថ្ងៃទី១១ ខែកុម្ភៈ ឆ្នាំ២០២២ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានជាអធិបតីភាពក្នុងពិធីបិទវគ្គបណ្តុះបណ្តាលស្តីពី នីតិហិរញ្ញវត្ថុសាធារណៈ ក្នុងវគ្គបណ្តុះបណ្តាលនេះចែកចេញជាពីរជំហាន(ជំហានទី១ ផ្នែកទ្រឹស្តី)និងជំហានទី២ ដំណើរការរៀបចំកសាងថវិកាពីឆ្នាំ១៩៩៣ ដល់បច្ចុប្បន្ន) ក្នុងវគ្គបណ្តុះបណ្តាលនេះឧទ្ទេសនាមដោយ លោក សុខ សុជាតិ
ប្រធាននាយកដ្ឋាន នៃខុទ្ទកាល័យអគ្គលេខាធិការព្រឹទ្ធសភា ដោយមានការអញ្ជើញចូលរួមពីថ្នាក់ដឹកនាំ និងមន្ត្រីរាជការ នៃអគ្គលេខាធិការដ្ឋានព្រឹទ្ធសភា នៅសាលសិក្ខាសាលាខាងជើង វិមានព្រឹទ្ធសភា។
ក្នុងវគ្គបណ្តុះបណ្តាលនេះមានរយៈពេលពីរសប្តាហ៍ គឺចាប់ពីថ្ងៃទី២៤-២៨ ខែមករា ឆ្នាំ២០២២ និងថ្ងៃទី០៧-១១ ខែកុម្ភៈ ឆ្នាំ២០២២ សិក្សាចាប់ពីថ្ងៃចន្ទ ដល់ថ្ងៃសុក្រ សិក្ខាកាមជាមន្រ្តីរាជការ នៃអគ្គលេខាធិការដ្ឋានព្រឹទ្ធសភាទាំងពីរវគ្គសរុប២៥នាក់៕
